Hornafjörður fyrir öll
Þann 14. mars ganga Sjálfstæðismenn í Sveitarfélaginu til kosninga í prófkjöri. Það verður sannkölluð lýðræðisveisla í Sjallanum allan laugardaginn og fram eftir kvöldi (sjá dagskrá á mynd)
Kosningarétt hafa þau sem eru með lögheimili í Sveitarfélaginu Hornafirði, eru skráð í Sjálfstæðisflokkinn og ná 18 ára aldri í sveitarstjórnarkosningum þann 16.maí.
Mikið líf hefur verið í félagsheimili okkar í dag miðvikudag þar sem frambjóðendur buðu gestum að koma og ræða málin fyrir prófkjörið í morgun. Fjöldi manns nýttu tækifærið og var fullur salur af fólki og gaman að sjá hvað það er mikill áhugi fyrir prófkjörinu.
Í hádeginu var boðið uppá plokkfisk og komu þingmennirnir okkar Guðrún Hafsteinsdóttir og Vilhjálmur Árnason, voru þau með smá framsögu ásamt því að eiga góð samtöl við félagsmenn. Félagsmenn fylltu húsið og góðar umræður sköpuðust um sveitarstjórnarmál ásamt landsmálunum.
Næstu dagar verða líflegir hjá okkur, hægt er að kjósa í prófkjörinu fram á kjördag.
Nánari upplýsingar eru hér:
Einnig hafa nokkrir frambjóðendur sett inn greinar hér að neðan, en einnig er hægt að sjá greinarnar hér.
Kæru sjálfstæðismenn í Hornafirði
Nú á laugardaginn 14. Mars göngum við til kosninga í prófkjöri hér í Hornafirði. Þetta er
mikil lýðræðisveisla þar sem 10 einstaklingar gefa kost á sér til setu í efstu sætum
listans okkar til sveitarstjórnarkosninga núna í vor. Þetta er frábært tækifæri sem allir
félagsmenn geta haft hafa áhrif á þann lista sem við komum til með að bjóða fram. Því
er afskaplega mikilvægt að allir þeir sem eru skráðir í Sjálfstæðisflokkinn nýti þetta
tækifæri og kjósi, hvort sem er á kjörstað á laugardag eða kjósi utankjörstaðar í
Sjallanum okkar eða í Valhöll í Reykjavík.
Fyrir 4 árum var ég kjörinn í 1. sæti á lista Sjálfstæðismann fyrir sveitarstjórnar
kosningar 2022. Þar kom saman hópur fólks úr allstaðar úr samfélaginu
sem hefur unnið mjög vel saman, allir í sömu átt.
Þar náðum við frábærum árangri, gleymum því ekki, fengum 3 menn kjörna, fengum
461 atkvæði af 1263 sem kusu, eða 38,3% atkvæða og sitjum núna í meirihluta í
bæjarstjórn. Ég hef haft þann heiður að vera forseti bæjarstjórnar ásamt því að vera
varaformaður bæjarráðs.
Fjöldi verkefna eru framundan og of langt mál að fara telja þau upp hér, en mig langar
sérstaklega að nefna fyrirhugaða uppbyggingu íþrótta og skólamannvirkja hér á Höfn.
Það er löngu tímabært að fara horfa fram á við í þessum málum, elsti hluti
grunnskólans var byggður fyrir 1930 og vonast ég til þess að með ráðningu
verkefnastjóra fyrir verkið komist það áfram og við höfum gæfu til að sameinst um þetta
stóra verkefni, öllum okkar íbúum til hagsbóta, á öllum aldri.
Ég býð mig fram í þessu prófkjöri vegna þess að mér þykir vænt
um samfélagið okkar og trúi því að við getum gert enn betur. Ég hef sterka framtíðarsýn
fyrir okkur, sem byggir á frelsi einstaklinga, á samvinnu aðila, jafnrétti, traustri
fjármálastjórn og ábyrgri uppbyggingu.
Kæru Sjálfstæðismenn,
Ég óska eftir stuðningi ykkar í 1. sætið í prófkjörinu þann 14. mars.
Saman byggjum við upp enn sterkara og samheldnara samfélag.
Það er bara ein leið, og hún er áfram.
Áfram XD – Áfram Hornafjörður
Framtíðin er björt!
Á laugardaginn veljum við Sjálfstæðismenn lista okkar fyrir komandi sveitarstjórnarkosningar.
Ég hef mikla trú á framtíð sveitarfélagsins okkar og er sannfærður um að reynsla mín, ekki síst úr atvinnulífinu, geti nýst til að styrkja samfélagið okkar enn frekar.
Í gegnum störf mín hef ég komið að uppbyggingu fyrirtækja og verkefna bæði í dreifbýli og þéttbýli. Þar hef ég öðlast víðtæka reynslu af skipulags- og umhverfismálum, frá fyrstu hugmyndum til framkvæmda og reksturs. Ég þekki því vel hvaða forsendur þurfa að vera til staðar til að byggja upp sterkt atvinnulíf og skapa tækifæri til vaxtar í samfélaginu.
Eitt af mínum helstu markmiðum er að Hornafjörður verði þekktur sem framúrskarandi sveitarfélag fyrir barnafjölskyldur. Þar sem fjölskyldur velja að setjast að vegna góðra skóla, öflugs íþrótta- og tómstundastarfs, öruggs samfélags og fjölbreyttra atvinnutækifæra. Með skýrri stefnu og markvissri uppbyggingu getum við gert gott samfélag enn betra.
Íþróttastarf í sveitarfélaginu skiptir mig miklu máli. Íþróttir styrkja heilsu og efla samstöðu. Við eigum að halda áfram að byggja upp góða aðstöðu. Á sama tíma verðum við að vinna slíkar framkvæmdir af ábyrgð og virðingu fyrir sameiginlegum fjármunum og tryggja að þær nýtist breiðum hópi íbúa.
Ég vil einnig sjá meiri aga í rekstri sveitarfélagsins. Fjármunir almennings eru dýrmætir og ber að fara með þá af festu og ábyrgð. Með skýrri forgangsröðun og vandaðri fjármálastjórn getum við tryggt bæði stöðugleika og svigrúm til nauðsynlegrar uppbyggingar.
Framtíð Hornafjarðar er björt. Með sterku atvinnulífi, ábyrgri stjórnun og skýrri sýn getum við byggt upp samfélag sem fólk velur að búa í, samfélag sem við getum öll verið stolt af.
Ég býð mig fram til að leiða þá vinnu.
Ykkar Reynir
Ég ætla að kjósa að líta á sveitastjórnarkosningarnar sem ákveðið ferðalag. Við
munum millilenda laugardaginn 14.mars með prófkjöri okkar sjálfstæðismanna á
Hornafirði áður en við höldum áfangastað, kjördag sveitastjórnarkosninga 16.maí nk.
Ég fór af stað eftir sterka áskorun og ég vona að ég sé að standa undir henni. Ég vil
ná árangri bæði sem einstaklingur og ná settum markmiðum í prófkjörinu, en einnig
fyrir samfélagið. Með í mínum bakpoka eru meðal annars heiðarleiki, vinnusemi,
rökhugsun og staðfesta ásamt nýjum sjónarhornum. Ég er skipulögð, legg mig fram
við að vinna vel með öðrum og á auðvelt með að setja mig í spor annarra. Þetta eru
mannkostir sem ég tel að skipti máli þegar teknar eru stórar ákvarðanir.
Nú þegar styttist í fyrsta áfangastað vona ég að kjósendur hafi fengið nægar
upplýsingar til að gera upp hug sinn. Ljóst er að við erum mörg að reyna ná lausum
sætum í vélina fyrir næsta legg, kosningabaráttuna. Þar sem sætaframboð er
takmarkað skiptir hvert atkvæði enn meira máli. Einhverjir munu heltast úr lestinni en
þeir sem ná markmiðum sínum og þiggja þau sæti sem þeim býðst, tel ég að séu
betur í stakk búnir en ef þessi auka krókur hefði ekki verið farinn. Ég er í það minnsta
búin að vaxa mikið á síðustu vikum og vona að ég fái tækifæri til að koma sterk inn
og læra enn meira og leggja samfélaginu lið.
Ég óska eftir stuðningi ykkar í prófkjörinu 14. mars nk. En einnig er hægt að kjósa
utankjörfundar á Höfn og í Reykjavík sem hér segir:
Með von um þitt atkvæði í þriðja sætið,
Ásta Steinunn
Þegar vanda skal valið !
Í mínum huga eru það forréttindi að fá að hafa áhrif á uppröðun á lista stjórnmálaflokka. Með því að kjósa þá sem þú telur vera bestu kostina til að leiða listann hefur þú enn meiri áhrif á hvernig næstu 4 árin í samfélaginu verða.
Þið þekkið mig sennilega fæst sem hógværa og orðlausa, en hvernig set ég í örfá orð allt sem ég vil gera fyrir samfélagið okkar ? Eftir 3 ár sem atvinnubílstjóri og 10 ár þar á undan starfandi í velferðarþjónustunni á Höfn eru þetta mínar helstu áherslur. Ég vil vinna áfram að auknu öryggi í samgöngum, velferðarmálum og bættum lífsgæðum allra íbúa sýslunnar.
Við þurfum að tryggja að grunnþjónusta, viðbragð og fjarskipti standist kröfur nútímans – óháð búsetu. Öruggar og áreiðanlegar samgöngur eru þar lykilatriði, fyrir daglegt líf og atvinnulíf. Samgöngur eru öryggismál. Þá er mér sérstaklega hugleikin ný lega þjóðvegar í Öræfum og allar einbreiðu brýrnar okkar. Við þurfum stöðugt að berjast fyrir auknu öryggi og betri samgöngum. Nýja hringtorgið okkar sýnir vel hvað hægt er að gera þegar baráttuvilji er til staðar.
Ég vil jafnframt vera sterk rödd þeirra sem heyrast síður: fatlaðs fólks, barna og íbúa í dreifbýlinu. Samfélagið okkar á að endurspegla þarfir allra, ekki aðeins þeirra sem hæst tala. Við eigum að hafa það að leiðarljósi að engar ákvarðanir séu teknar um fólk án aðkomu þess sjálfs – „engar ákvarðanir um mig án mín“. Með ábyrgð, festu og opnu samtali getum við skapað sveitarfélag þar sem öll fá notið sín. Ég vil efla Hornafjörð með sterku stoðkerfi fyrir fjölskyldur, öflugu atvinnulífi og uppbyggingu innviða.
Ég óska eftir stuðningi ykkar í 2.–3. sæti á lista Sjálfstæðisfélags Austur-Skaftafellssýslu af einlægri trú á að við getum byggt enn sterkara og öruggara samfélag fyrir alla íbúa sýslunnar. Ég hlakka til að halda áfram að vinna fyrir samfélagið okkar.
Tinna Rut Sigurðardóttir
Frambjóðendur í prófkjöri Sjálfstæðisflokksins bjóða í opið hús
mánudaginn 9. mars 19:30-21:00 og í morgunkaffi miðvikudaginn 11. mars 9:00-10:00
Öll velkomin
Það er nóg um að vera hjá okkur í vikunni.
Utankjörfundur er einnig í fullum gangi og meiri upplýsingar eru hér https://xdhornafjordur.is/profkjor/
Miðvikudagskvölið 4. mars var fundur með öllum tíu frambjóðendum í prófkjöri flokksins fyrir sveitastjórnarkosninganna. Prófkjörið fer fram laugardaginn 14. mars og er utankjörfundur hafinn.
Fullt hús var af gestum sem gátu komið og hlustað á ræður frambjóðendanna og gátu svo borið fram spurninga til einstakra frambjóðenda eða til allra.
Góðar umræður sköpuðust um hin ýmsu mál sem varða sveitarfélagið okkar og er góður grunnur kominn fyrir stefnumótunarvinnu sem fer síðan á fullt í lok mars.
Nokkrir frambjóðendur hafa nú þegar skrifað greinar um sín helstu stefnumál fyrir prófkjörið sem hægt er að nálgast í flipanum hér að ofan eða hér:
Ef við viljum breytingar, þá þurfum við að taka þátt. Ef mér finnst eitthvað miður eða
mætti vera betra, þá spyr ég: Hvað get ég gert? Hvað ætla ég að gera?
Á öllum tímaskeiðum í lífi mínu hef ég á einhvern hátt verið að reyna með hegðun
minni, hugarfari og verkum að hafa jákvæð áhrif.
Í dag vil ég að börn og ungmenni fái þau tækifæri sem ég fékk ekki sem unglingur á
Höfn, þannig að ég býð upp á leiklistarnámskeið og ýmiskonar sköpun fyrir þann
hóp. Einnig fannst mér vanta hér vinnustofur og verslun með staðbundinni
framleiðslu, meiri sjálfbærni, endurvinnslu, félagslega hittinga og fleira þannig að ég
opnadi skapandi upplifunarrými. Ég tók eftir mikilli erftispurn frá íbúum og
ferðamönnum á vöntun á meiri og fjölbreyttari afþreyingu og ég vatt mér ýmiskonar
verkefni því tengt.
En í þeirri vinnu hef ég líka rekist á hindranir. Ekki bara persónulegar áskoranir,
heldur líka kerfi, kröfur og öfuga hvata sem gerir fólki og fyrirtækjum erfitt með að
vaxa og dafna. Samfélagið þarf öfluga máttarstólpa og sveitafélagið verður að styðja
við þá.
Samfélag þarf líka að vera staður þar sem fólki líður vel. Ég brenn fyrir því að efla
tækifæri fólks, sérstaklega barna og ungmenna.
Samfélög virka best þegar íbúar eru virkir, velkomnir, hafa tilgang og tækifæri til að
vaxa á sinn hátt. Að mínu mati hefur Hornafjörður staðið sig gríðarlega vel þarna, en
við verðum alltaf að gera betur. Andleg og líkamleg veikindi, vanlíða, vonleysi,
vanvirkni, vímuefnanotkun, kvíði og margt fleira er að aukast, sérstaklega hjá ungu
fólki. Og ég hef sérstaka ástríðu og áhuga á því að vinna að betrun þar.
Ég kem inn með ferska sýn, fjölbreytta reynslu og mikinn kraft.
Ég bið ykkur að kjósa mig í 4. sæti svo að ég geti raunverulega beitt mér á réttum
stöðum og haft jákvæð áhrif.
